ಬಂಟ್ವಾಳ: ತಾಲೂಕಿನಾದ್ಯಂತ ಕಳೆದ ಆರು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದ ಶುಕ್ರವಾರ ನೇತ್ರಾವತಿ ನದಿಯು ಅಪಾಯದ ಮಟ್ಟವನ್ನು ಮೀರಿ ಅಂದರೆ ಸಂಜೆಯ ಹೊತ್ತಿಗೆ 10.4 ಮೀ.ನಲ್ಲಿ ಹರಿಯುತ್ತಿದ್ದು, ಎಲ್ಲಿ ನೋಡಿದರಲ್ಲಿ ನೀರು ತುಂಬಿರುವ ದೃಶ್ಯ ಕಂಡು ಬಂದಿದೆ. ನೆರೆಯಿಂದಾಗಿ ತಾಲೂಕಿನಲ್ಲಿ ಒಟ್ಟು 58 ಮನೆಗಳು,ಅಜಿಲಮೊಗರು,ಬರಿಮಾರು ಮಸೀದಿಯು ಜಲಾವೃತಗೊಂಡಿದೆ.
ನಾವೂರು,ಅಜಿಲಮೊಗರು, ಕಡೇಶ್ವಾಲ್ಯ, ಬಂಟ್ವಾಳ ಸಮೀಪದ ಜಕ್ರಿಬೆಟ್ಟು,ಬಡ್ಡಕಟ್ಟೆ,ವಿ.ಪಿ.
ಮುಳುಗಡೆ ಪ್ರದೇಶದ ಸುಮಾರು 300 ಕ್ಕೂ ಹೆಚ್ಚು ಮಂದಿ ಸಂತ್ರಸ್ಥರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ ಎಂದು ತಹಶೀಲ್ದಾರ್ ರಶ್ಮಿ ಅವರು ತಿಳಿಸಿದ್ದಾರೆ. ಬಂಟ್ವಾಳಪ್ರವಾಸಿಮಂದಿರ,ಪಾಣೆಮಂಗಳೂ
ಬಂಟ್ವಾಳ ಬಡ್ಡಕಟ್ಟೆ ಮೀನು ಮಾರ್ಕೆಟ್,ಬಸ್ ತಂಗುದಾಣ ಪ್ರದೇಶ,ಆಲಡ್ಕ,ಜಕ್ರಿಬೆಟ್ಟು,ಬಸ್ತಿ
ಮಣಿನಾಲ್ಕೂರು ಗ್ರಾಮದ ಅಜಿಲಮೊಗರು ನಿವಾಸಿಗಳಾದ ಜಯಪೂಜಾರಿ,ಬಾಲಕೃಷ್ಣ ಪೂಜಾರಿ, ಲಕ್ಷಣ ಪೂಜಾರಿ, ಪೂವಪ್ಪ ಪೂಜಾರಿ ಎಂಬವರ ಮನೆಗಳಿಗೆ ನಾಡದೋಣಿಯ ಮೂಲಕ ತೆರಳಿದ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಅವರು ಅಲ್ಲಿನ ಸಂತ್ರಸ್ಥರನ್ನು ಭೇಟಿ ಯಾಗಿ ಇವರನ್ನು ದೋಣಿಯ ಮೂಲಕ ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸುವ ವ್ಯವಸ್ಥೆ ಮಾಡಿದರು.ಇಲ್ಲಿ ರಸ್ತೆ ಸಂಪರ್ಕ ಸಂಪೂರ್ಣ ಕಡಿತವಾಗಿದ್ದು ,ದ್ವೀಪದಂತಿರುವ ಪ್ರದೇಶಗಳಿಗೆ ನಾಡದೋಣಿಯ ಮೂಲಕ ಮಾತ್ರ ಸಂಪರ್ಕ ಸಾಧ್ಯವಾಗಿತ್ತು. ಜಲಾವೃತಗೊಂಡ ಅಜಿಲಮೊಗರು ಮಸೀದಿ ಗೆ ಬೇಟಿ ನೀಡಿ ಅಲ್ಲಿನ ಪ್ರಮುಖರಿಂದ ಮಾಹಿತಿ ಪಡೆದರು.
ಈ ಸಂದರ್ಭದಲ್ಲಿ ಪ್ರಮುಖರಾದ ದೇವದಾಸ ಶೆಟ್ಟಿ, ಗೋವಿಂದ ಪ್ರಭು, ಧನಂಜಯ ಶೆಟ್ಟಿ, ಪೂವಪ್ಪ ಪೂಜಾರಿ ಕಡಮಜೆ, ಪುರುಷೋತ್ತಮ ಪೂಜಾರಿ ಮಜಲು, ವಸಂತ ಪೂಜಾರಿ ದೆಚ್ಚಾರು, ನಾರಾಯಣ ಪೂಜಾರಿ ದೆಚ್ಚಾರು,ಆನಂದ ಶೆಟ್ಟಿ ಬಾಚಕೆರೆ, ಅಭಿಷೇಕ್ ಪೂಜಾರಿ, ಸುದರ್ಶನ್ ಬಜೆ, ಶಶಿಕಾಂತ್ ಶೆಟ್ಟಿ, ರಮಾನಾಥ ರಾಯಿ, ಪುರುಷೋತ್ತಮ ಶೆಟ್ಟಿ ಬಾರೇಕಿನಾಡಿ, ಮನೋಜ್ ಕೊಟ್ಯಾನ್,ಪವನ್ ಕುಮಾರ್ ಶೆಟ್ಟಿ,ಮುತ್ತೂರು ಪ್ರದೀಪ್ ಅಜ್ಜಿಬೆಟ್ಟು, ಮತ್ತಿತರರು ಶಾಸಕರೊಂದಿಗಿದ್ದರು. ಇದೇ ವೇಳೆ ನಾವೂರ ಬೀದಿ ಪರಿಸರದಲ್ಲಿ ಪವರ್ ಕಟ್ ನಿಂದಾಗಿ ಕುಡಿಯಲ ನೀರಿಲ್ಲದಿರುವುದನ್ನು ಸ್ಥಳೀಯರು ಶಾಸಕರ ಗಮನಕ್ಕೆ ತಂದಿದ್ದು,ಇದಕ್ಕೆ ಸ್ಪಂದಿಸಿದ ಶಾಸಕ ರಾಜೇಶ್ ನಾಯ್ಕ್ ತಹಶೀಲ್ದಾರ್ ಅವರಿಗೆ ಕರೆ ಮಾಡಿ ಟ್ಯಾಂಕರ್ ನೀರಿನ ವ್ಯವಸ್ಥೆ ಮಾಡಿದರು. 23 ಕಡೆ ಹಾನಿ : ಬಂಟ್ವಾಳ ತಾಲೂಕಿನಲ್ಲಿ ಒಟ್ಟು ೨೩ ಕಡೆಗಳಲ್ಲಿ ಶುಕ್ರವಾರ ಸುರಿದ ಗಾಳಿಮಳೆಗೆ ಹಾನಿಯಾಗಿದೆ. ಇವುಗಳ ಪೈಕಿ ೧ ಕೃಷಿ, ೩ ತೋಟ, ೧೯ ಮನೆಗಳು ಸೇರಿವೆ.
ವಿವರ ಹೀಗಿದೆ. ಕುರ್ನಾಡು ಗ್ರಾಮದ ಸುಬ್ಬಗುಳಿ ಎಂಬಲ್ಲಿ ಮಸೀದಿ ಪಕ್ಕದ ಮದರಸ ಕಟ್ಟಡದ ಶೀಟುಗಳಿಗೆ ಹಾನಿಯಾಗಿವೆ. ಇಡ್ಕಿದು ಉರಿಮಜಲಿನ ವೀಣಾ ಪ್ರಕಾಶ್, ಕೆದಿಲ ರೇವತಿ ಅವರ ಮನೆ, ಕುಳ ಕಾರ್‍ಯಾಡಿಯ ಅಬ್ದುಲ್ಲ ಮನೆಗೆ ಹಾನಿಯಾಗಿದೆ ಎಂದು ತಾಲೂಕು ಕಚೇರಿ ಮೂಲಗಳು ತಿಳಿಸಿವೆ. ಮೇರಮಜಲು ಗ್ರಾಮದ ಹಬರ್ಟ್ ಡಿಸೋಜ ಅಡಿಕೆ ತೋಟ, ಅನಂತಾಡಿ ತಿಮ್ಮಪ್ಪ ಗೌಡರ ಹಟ್ಟಿ, ಕೆದಿಲ ವಿಶ್ವನಾಥ ಶೆಟ್ಟರ ತೋಟಕ್ಕೆ ಹಾನಿಯಾಗಿದೆ. ಸಜೀಪನಡು ಗ್ರಾಮದ ಅಬುಬಕ್ಕರ್, ಲಕ್ಷ್ಮೀ, ರಜಾಕ್, ಯುಸುಫ್, ಹಾಜಿರಮ್ಮ ಅವರ ಮನೆಗಳಿಗೆ ಹಾನಿಯಾದರೆ, ಬರಿಮಾರು ಗ್ರಾಮದ ಪುಷ್ಪಾ ಮನೆಗೆ ಹಾನಿಯಾಗಿದೆ. ಮೂಡುಪಡುಕೋಡಿ ಜೀನತ್, ಪಿಲಾತಬೆಟ್ಟುವಿನ ಲಈಲಾ, ಶೋಭಾ, ಪುಷ್ಪಾ, ರೋಹಿಣಿ, ಬಿಕಸಬಾ ಗ್ರಾಮದ ಲಾರೆನ್ಸ್, ಗಿಲ್ಬರ್ಟ್ ಮಿನೇಜಸ್ ಮನೆ, ಸೇಸಪ್ಪ ಬತ್ತದ ಕೃಷಿ, ಕೊಳ್ನಾಡು ಅಬ್ಬಾಸ್ ತೋಟ ಮತ್ತು ವಿಟ್ಲ ಕಸಬಾದ ಅಬ್ದುಲ್ಲ ಮನೆಗೆ ಹಾನಿಯಾಗಿದೆ. ಸಹಾಯಕ ಕಮಿಷನರ್ ರವಿಚಂದ್ರ ನಾಯಕ್,ತಹಶೀಲ್ದಾರ್ ರಶ್ಮಿ ಎಸ್.ಆರ್,ಮತ್ತವರ ಸಿಬಂದಿಗಳೊಂದಿಗೆ ನೆರೆ ಪೀಡಿತ ಪ್ರದೇಶ ಹಾಗೂ ಹಾನಿಗೊಳಗಾದ ಸ್ಥಳಕ್ಕು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದು,ತಹಶೀಲ್ದಾರ್ ರಶ್ಮಿ ಅವರ ತುರ್ತು ಸ್ಪಂದನೆ, ಕಾರ್ಯ ವೈಖರಿ ವ್ಯಾಪಕ ಶ್ಲಾಘನೆಗೆ ಒಳಗಾಗಿದೆ. ಮ ಸ್ಥಳಾಂತರಕ್ಕೆ ಡಿಸಿ ಸೂಚನೆ:
ನೇತ್ರಾವತಿ ನದಿಗೆ ಭಾರೀ ಪ್ರಮಾಣದಲ್ಲಿ ನೀರು ಹರಿದು ಬರುತ್ತಿರುವುದರಿಂದ ನದಿ ನೀರು ಅಪಾಯದ ಮಟ್ಟದಲ್ಲಿ ಹರಿಯುತ್ತಿದ್ದು, ನದಿ ತೀರದಲ್ಲಿ ವಾಸಿಸುವವರು ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಜಿಲ್ಲಾಧಿಕಾರಿ ಸಸಿಕಾಂತ್ ಸೆಂಥಿಲ್ ಸೂಚಿಸಿದ್ದಾರೆ.
ಪುರಸಭೆಯಿಂದ ಟಾಂ ಟಾಂ.. ಬಂಟ್ವಾಳ ನಗರ ಪ್ರದೇಶ ನೆರೆ ನೀರಿನಿಂದ ಅವರಿಸಿರುವುದರಿಂದ ಎಚ್ಚರಿಕೆಯಿಂದ ಇರುವಂತೆ ,ಅಪಾಯದಂಚಿನಲ್ಲಿರುವವರು ಸುರಕ್ಷಿತ ಸ್ಥಳಕ್ಕೆ ತೆರಳುವಂತೆ ಪುರಸಭೆ ಮೈಕ್ ಮೂಲಕ ಟಾಂ…ಟಾಂ ಮಾಡಿತು. ತುಂಬೆ ವೆಂಟೆಡ್ ಡ್ಯಾಂ ನಲ್ಲಿ 8.5 ಮೀ.ನಲ್ಲಿಿ ಹರಿಯುತ್ತಿದ್ದು, ಇಲ್ಲಿನ ಎಲ್ಲಾ ಗೇಟನ್ನು ತೆರೆಯಲಾ ಗಿದೆ. ಶಂಭೂರು ಎಎಂಆರ್ ನ ಎಲ್ಲಾ 26 ಗೇಟ್ ತೆರೆಯಲಾಗಿದೆ.