ಪೊಳಲಿ:ಶ್ರೀ ರಾಜರಾಜೇಶ್ವರಿ ನವೀಕೃತ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ಅಂಗವಾಗಿ ಹೊರೆಕಾಣಿಕೆಗಳ ಮಹಾಪೂರವೆ ಹರಿದು ಬರುತ್ತಿದ್ದು, ಗುರುವಾರವೂ ಸಾಕಷ್ಟು ಊರುಗಳಿಂದ ಹೊರೆಕಾಣಿಕೆ ಹರಿದು ಬಂದಿದೆ.
ಅಮ್ಮುಂಜೆ, ಬೆಂಜನಪದವು ಮುಂತಾದ ಭಾಗಗಳಿಂದ ಅದ್ಧೂರಿ ಮೆರವಣಿಗೆಯೊಂದಿಗೆ ಹೊರೆಕಾಣಿಕೆ ಆಗಮಿಸಿದೆ. ಅಲ್ಲದೆ ಕಟೀಲು ಶಿಬರೂರು ಕೊಡೆತ್ತೂರು ಎಕ್ಕೂರು ಮುಂತಾದ ಭಾಗಗಳಿಂದಲೂ ಹೊರೆಕಾಣಿಕೆ ಆಗಮಿಸಿದೆ.
ಮೆರವಣಿಗೆಯಲ್ಲಿ ಸಾವಿರಾರು ಮಂದಿ ಭಾಗವಹಿಸಿದ್ದು ಚೆಂಡೆ ವಾದನ ವಾಧ್ಯ ಘೋಷ ಕೊಂಬು ಕಹಲೆ ಹೊಸ ಮೆರಗನ್ನು ನೀಡಿತು. ಈಗಾಗಲೆ ಉಗ್ರಾಣವು ಹೊರೆಕಾಣಿಕೆಗಳಿಂದ ಭರ್ತಿಯಾಗಿದ್ದು ಇನ್ನು ಅನೇಕ ಭಾಗಗಳಿಂದ ಹೊರೆಕಾಣಿಕೆಯ ಮಹಾಪೂರವೆ ಹರಿದು ಬರಲಿದೆ.
