ಮೂಡಬಿದಿರೆ: ಶ್ರೀದೇವಿ ಇಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ವತಿಯಿಂದ `ಟೆಕ್ನೋ ಸ್ಪಾರ್ಕ್-18′ ಎಂಬ ರಾಷ್ಟ ಮಟ್ಟದ ವಿಜ್ಞಾನ ಸ್ಪರ್ಧೆಯನ್ನು ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಆಳ್ವಾಸ್ ಪದವಿ ಪೂರ್ವ ಕಾಲೇಜಿನ ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳು ಭಾಗವಹಿಸಿ ವಿಜ್ಞಾನ ಮಾದರಿಯಲ್ಲಿ ಪ್ರಥಮ ಮತ್ತು ದ್ವಿತೀಯ ಹಾಗೂ ರಸಪ್ರಶ್ನೆಯಲ್ಲಿ ತೃತೀಯ ಸ್ಥಾನವನ್ನು ಪಡೆದಿದ್ದಾರೆ.
ರಾಷ್ಟ್ರ ಮಟ್ಟದ ಈ ಸ್ಪರ್ಧೆಯಲ್ಲಿ ಒಟ್ಟು 80 ಕ್ಕೂ ಹೆಚ್ಚು ತಂಡಗಳು ಭಾಗವಹಿಸಿದ್ದವು. ಆಳ್ವಾಸ್ ಕಾಲೇಜಿನ ವಿದ್ಯಾರ್ಥಿಗಳಾದ ರಾಜಂತ್, ವರುಣ್ ಜೆ, ತೇಜನ್ ಶಿಂದೆ, ಪ್ರತೀಕ್ ಶೆಟ್ಟಿ ತಂಡ ತಯಾರಿಸಿದ ‘ಎಕ್ಸ್ ಎಲ್ ಆರ್ 8’ ವಿಜ್ಞಾನ ಮಾದರಿ ಪ್ರಥಮ ಸ್ಥಾನ ಗಳಿಸಿ, ರೂಪಾಯಿ 20,000 ಹಣವನ್ನು ಬಹುಮಾನ ರೂಪದಲ್ಲಿ ಪಡೆದುಕೊಂಡಿದೆ.
ಇದೇ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನವನ್ನು ವಿದ್ಯಾಥಿಗಳಾದ ಅನುಷ್, ಸುಪ್ರೀತ್, ಗಜಾನನ, ಈಶ್ವರ್, ರಾಕೇಶ್, ಶ್ರೀಶಾ ತಂಡ ತಯಾರಿಸಿದ ‘ಅಪ್‍ಗ್ರೆಡೆಶನ್ ಆಫ್ ಎಲ್.ಡಿ.ಆರ್’ ಮಾದರಿ ಗಳಿಸಿತು. ರೂಪಾಯಿ 15,000 ಬಹುಮಾನ ದ್ವಿತೀಯ ಸ್ಥಾನಕ್ಕೆ ಲಭಿಸಿದೆ. ಪ್ರಮಂತ್ ಮೋಗಿ, ಶ್ರೇಯಾಂಕ್ ಶೇಟ್, ನಿತಿನ್ ವಿಜ್ಞಾನ ರಸಪ್ರಶ್ನೆಯಲ್ಲಿ ತೃತೀಯ ಸ್ಥಾನ ಗಳಿಸಿ ರೂಪಾಯಿ 6000 ನಗದು ಬಹುಮಾನ ಪಡೆದಿದ್ದಾರೆ.
ಆಳ್ವಾಸ್ ಪದವಿಪೂರ್ವ ಕಾಲೇಜಿನ ಇಲೆಕ್ಟ್ರೋನಿಕ್ಸ್ ವಿಭಾಗದ ಉಪನ್ಯಾಸಕರಾದ ರತಿಕಾ ನಾಯಕ್, ರೇಖಾ ಗೋರ್ಪಡೆ, ರಮ್ಯ ಇವರಿಗೆ ಮಾರ್ಗದರ್ಶನ ನೀಡಿದ್ದರು. ‘’ಇನೋವೇಶನ್ ಆ್ಯಂಡ್ ಸೈನ್ಸ್’’ ಎಂಬ ಮೂಲಚಿಂತನೆಯಲ್ಲಿ, ವಿಜ್ಞಾನ ಮಾದರಿ ಸ್ಪರ್ಧೆಗಳನ್ನು ನೆರವೇರಿಸಲಾಗಿತ್ತು. ವಿದ್ಯಾರ್ಥಿಗಳು ತಃಖ್ತೆಗಳ ಸಹಾಯದಿಂದ ವಿಷಯದ ವಿವರಣೆ ನೀಡಬಹುದಾಗಿತ್ತು. ಸೃಜನಾಶೀಲತೆ, ವೈಜ್ಞಾನಿಕ ಚಿಂತನೆ ಮತ್ತು ಆಳವಡಿಕೆ, ಮೂಲ ವೈಜ್ಞಾನಿಕ ಆವಿಷ್ಕಾರ, ತಾಂತ್ರಿಕ ಕೌಶಲ್ಯತೆ ಹಾಗೂ ವಿಷಯದ ಪ್ರಸ್ತುತ ಪಡಿಸುವಿಕೆ ಬಹುಮಾನವನ್ನು ನಿರ್ಧರಿಸಲು ಆಳಡಿಸಲಾದ ಮಾನದಂಡಗಳಾಗಿದ್ದವು.
ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ| ಎಂ ಮೋಹನ್ ಆಳ್ವ ಭಾಗವಹಿಸಿದ ವಿದ್ಯಾರ್ಥಿಗಳನ್ನು ಅಭಿನಂದಿಸಿ, ವಿದ್ಯಾರ್ಥಿಗಳು ಎಳವೆಯಲ್ಲಿಯೇ ವೈಜ್ಞಾನಿಕ ಮನೋಭಾವ ಬೆಳಸಿಕೊಂಡು, ಇಂತಹ ಸ್ಪರ್ಧೆಗಳಲ್ಲಿ ಭಾಗವಹಿಸುವುದರಿಂದ ಭವಿಷ್ಯದಲ್ಲಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಉತ್ತಮ ಅವಕಾಶಗಳ ಲಭಿಸುತ್ತವೆ. ಆಳ್ವಾಸ್ ಇಂತಹ ಪ್ರತಿಭಾನ್ವಿತರನ್ನು ಸದಾ ಪ್ರೋತ್ಸಾಹಿಸುತ್ತದೆ ಎಂದರು. ಪಿಯು ಕಾಲೇಜಿನ ಪ್ರಾಂಶುಪಾಲ ರಮೇಶ್ ಶೆಟ್ಟಿ ವಿದ್ಯಾರ್ಥಿಗಳನ್ನು ಅಭಿನಂದಿಸಿದ್ದಾರೆ.