ಬಂಟ್ವಾಳ : ಭಕ್ತರಲ್ಲಿ ನಂಬಿಕೆಯಿದ್ದಾಗ ದೇವರು ದಾರಿ ತೋರಲಿದ್ದು, ದೇವರ ಕಾರ್ಯಗಳು ಕಾಲ ಕಾಲಕ್ಕೆ ನಡೆದಾಗಲೇ ಊರಿನ ಅಭಿವೃದ್ಧಿ ಸಾಧ್ಯ. ದೇವಸ್ಥಾನ ಹಾಗೂ ಶಾಲೆಯನ್ನು ನೋಡಿದಾಗಲೇ ಊರಿನ ಅಭಿವೃದ್ಧಿ ತಿಳಿಯುತ್ತದೆ ಎಂದು ಮೂಡನಡುಗೋಡು ಗ್ರಾಮದ ಕರೆಂಕಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಪ್ರಧಾನ ಅರ್ಚಕ ಗುರುರಾಜ ಭಟ್ ಹೇಳಿದರು.  ಅವರು  ದೇವಸ್ಥಾನದ ವಠಾರದಲ್ಲಿ ಕ್ಷೇತ್ರದ ಬ್ರಹ್ಮಕಲಶೋತ್ಸವದ ಹಿನ್ನೆಲೆಯಲ್ಲಿ ಕೈಗೊಂಡಿರುವ ದೇವಸ್ಥಾನದ ಅಭಿವೃದ್ಧಿ ಕಾರ್ಯಗಳ ವಿಜ್ಞಾಪನಾ ಪತ್ರದ ಬಿಡುಗಡೆ ಸಮಾರಂಭದಲ್ಲಿ ದೀಪ ಬೆಳಗಿದರು.
1512ks3 ph

ಜೀರ್ಣೋದ್ಧಾರ ಸಮಿತಿಯ ಗೌರವಾಧ್ಯಕ್ಷೆ ಸುಲೋಚನಾ ಜಿ.ಕೆ.ಭಟ್ ಅವರು, ಬ್ರಹ್ಮಕಲಶ ಕಾರ್ಯವನ್ನು ಎಲ್ಲರೂ ಜತೆ ಸೇರಿ ನಡೆಸೋಣ ಎಂದು ತಿಳಿಸಿದರು. ಹಿರಿಯರಾದ ರಾಮಚಂದ್ರ ಗೌಡ ಮಣಿ ಅವರು ವಿಜ್ಞಾಪನಾ ಪತ್ರ ಬಿಡುಗಡೆಗೊಳಿಸಿದರು. ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷ ರಾಮಚಂದ್ರ ಶೆಟ್ಟಿ ದಂಡೆ ಪ್ರಸ್ತಾವನೆಗೈದರು. ವೇದಿಕೆಯಲ್ಲಿ ಸೇವಾ ಸಮಿತಿ ಅಧ್ಯಕ್ಷ ನಾರಾಯಣ ಗೌಡ ಕರೆಂಕಿ, ಜೀರ್ಣೋದ್ಧಾರ ಸಮಿತಿ ಉಪಾಧ್ಯಕ್ಷ ಕರುಣೇಂದ್ರ ಪೂಜಾರಿ ಕೊಂಬ್ರಬೆಲು, ಗೌರವ ಸಲಹೆಗಾರ ಕೃಷ್ಣಪ್ಪ ನಾಯ್ಕ್ ಸೇಸಗುರಿ, ದೇವಪ್ಪ ಕುಲಾಲ್ ಪಂಜಿಕಲ್ಲು, ಉದ್ಯಮಿ ಜಗದೀಶ್ ಪೂಜಾರಿ, ದುರ್ಗಾ ಫ್ರೆಂಡ್ಸ್ ಅಧ್ಯಕ್ಷ ಭಾಸ್ಕರ ಕುಲಾಲ್, ದಡ್ಡಲಕಾಡು ಶ್ರೀ ಜಗದಾಂಭಿಕ ಕ್ಷೇತ್ರದ ಅಧ್ಯಕ್ಷ ಧರ್ಣಪ್ಪ ಪೂಜಾರಿ ರಾಮನಗರ, ಶಂಕರ ಶೆಟ್ಟಿ ನಡ್ಯೋಡಿಗುತ್ತು, ಪುರಸಭಾ ಸದಸ್ಯೆ ಮೀನಾಕ್ಷಿ, ಅಕ್ಷತಾ ರಾಜೇಶ್ ಮೊದಲಾದವರು ಉಪಸ್ಥಿತರಿದ್ದರು. ಕ್ಷೇತ್ರದ ಸೇವಾ ಸಮಿತಿಯ ಉಪಾಧ್ಯಕ್ಷ ಪೂವಪ್ಪ ಮೆಂಡನ್ ಕರೆಂಕಿ ವಂದಿಸಿದರು. ಕೋಶಾಽಕಾರಿ ಆನಂದ ಕೆ.ಕ್ಷೇತ್ರಲಾಯಪಾಡಿ ಕಾರ್ಯಕ್ರಮ ನಿರ್ವಹಿಸಿದರು.

 

By suddi9

Leave a Reply

Your email address will not be published. Required fields are marked *