ಹೆಬ್ರಿ: ಆಗುಂಬೆ ಪರಿಸರದಲ್ಲಿ ವಿಭಿನ್ನ ಕೋಮಿನ ಯುವಕನೊಂದಿಗೆ ತಿರುಗಾಡುತ್ತಿದ್ದ ಯುವತಿಯನ್ನು ಹೆಬ್ರಿ ಬಜರಂಗದಳವರು ಜೋಡಿ ಸಮೇತ ಹಿಡಿದು ಹೆಬ್ರಿ ಪೊಲೀಸ್ ಠಾಣೆಗೆ ಒಪ್ಪಿಸಿದ ಘಟನೆ ಶುಕ್ರವಾರ ನಡೆದಿದೆ.
ಈಗಾಗಲೇ ಬೇರೆ ಯುವಕನೊಂದಿಗೆ ಮದುವೆ ನಿಶ್ಚಿತಾರ್ಥವಾಗಿರುವ ಉಡುಪಿಯ ಯುವತಿ ಮಲ್ಪೆಯ ನಿವಾಸಿಯಾಗಿರುವ ವಿಭಿನ್ನ ಕೋಮಿನ ಯುವಕನೊಂದಿಗೆ ಆಗುಂಬೆ ಪರಿಸರಕ್ಕೆ ತೆರಳಿದ್ದರು. ಆಗುಂಬೆ ಕುಂದಾದ್ರಿ ಬೆಟ್ಟಕ್ಕೆ ತೆರಳಿ ವಾಪಸ್ ಬರುವ ವೇಳೆ ಆಗುಂಬೆ ಪೊಲೀಸರು ವಿಷಯ ತಿಳಿದು ಎಚ್ಚರಿಕೆ ನೀಡಿ ಕಳುಹಿಸಿದ್ದರು. ಆದರೆ ಸನ್ ಸೆಟ್ ವೀಕ್ಷಣೆ ನೆಪದಲ್ಲಿ ಮತ್ತೆ ತಿರುಗಾಡುತ್ತಿದ್ದ ಈ ಜೋಡಿಯ ಬಗ್ಗೆ ಬಜರಂಗ ದಳ ಕಾರ್ಯಕರ್ತರು ಮಾಹಿತಿ ಕಲೆ ಹಾಕಿ ಹಿಡಿದು ಹೆಬ್ರಿ ಠಾಣೆಗೆ ಒಪ್ಪಿಸಿದರು. ಬಳಿಕ ಯುವತಿ ಮನೆಗೆ ಸುದ್ದಿ ಮುಟ್ಟಿಸಲಾಯಿತು.
