ಬಂಟ್ವಾಳ ; ಸಕಲ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿರುವ ಬಿ.ಸಿ.ರೋಡಿನ ಬಗ್ಗೆ ಸ್ಥಳೀಯಾಡಳಿತ ಹಾಗೂ ಇಲಾಖೆಗಳ ನಿರ್ಲಕ್ಷ್ಯ ನೀತಿ ಎದ್ದು ಕಾಣುತ್ತಿದೆ. ಬಿ.ಸಿ.ರೋಡು ಕೈಕಂಬದಲ್ಲಿ ಪೊಳಲಿ ರಸ್ತೆಯನ್ನು ಸಂಪರ್ಕಿಸುವಲ್ಲಿ ಚರಂಡಿಯೊಂದರ ನಾಲ್ಕು ಸ್ಲ್ಯಾಬ್ ಗಳು ಮುರಿದು ಚರಂಡಿಯೊಳಗೆ ಬಿದ್ದಿದ್ದು, ರಸ್ತೆ ಮಧ್ಯದಲ್ಲಿಯೇ ಹೊಂಡ ಸೃಷ್ಟಿಯಾಗಿದೆ.
ಕಳೆದ ಜೂ.5 ರಂದು ಈ ಘಟನೆ ನಡೆದಿದೆ. ಆ ಬಳಿಕ ಸದ್ರಿ ರಸ್ತೆಯಲ್ಲಿ ಜಿಲ್ಲಾಧಿಕಾರಿ , ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸಹಿತ ಸಚಿವರು, ಹಿರಿಯ ಅಧಿಕಾರಿಗಳು ಸಂಚರಿಸಿದ್ದಾರೆ, ಆದರೆ ಅವರೆಲ್ಲರೂ ಈ ದುರವಸ್ಥೆಯನ್ನು ದೂರದಿಂದ ನೋಡಿ ಹೋಗುತ್ತಿದ್ದಾರೆಯೇ ವಿನಃ, ಈ ಸಮಸ್ಯೆ ಬಗೆಹರಿಕೆಗೆ ಯಾರೂ ಮುಂದಾಗಿಲ್ಲ. ಬಂಟ್ವಾಳ ಪುರಸಭಾ ಆಡಳಿತ ಈ ಬಗ್ಗೆ ವಿಶೇಷ ಗಮನ ವಹಿಸಿ, ಸಂಬಂಧಪಟ್ಟ ಇಲಾಖೆಯನ್ನು ಎಚ್ಚರಿಸುವ ಕೆಲಸ ಮಾಡಬೇಕಿದೆ