ಡಾ| ಶಿವರಾಜ್ ಕುಮಾರ್ ಮತ್ತು ಡಾ| ರಾಜಶೇಖರ್ ಆರ್.ಕೋಟ್ಯಾನ್‍ಗೆ ಸನ್ಮಾನ
ಮುಂಬಯಿ, : ಗುರು ಸೇವಾ ಸಮಿತಿ ಬಾಹ್ರೇಯ್ನ್ ಬಿಲ್ಲವಾಸ್ ತಾಯಿನಾಡಿನ ಸೊಬಗನ್ನು ಸವಿಯುವ ಸಾಂಸ್ಕೃತಿಕ ಹಬ್ಬ ಕರಾವಳಿ ಸಂಭ್ರಮ 2017 ಮನಾಮದಲ್ಲಿರುವ ಅಲರಾಜ ಶಾಲೆಯ ಭವ್ಯ ಸಭಾಂಗಣದಲ್ಲಿ ಅದ್ದೂರಿಯಾಗಿ ನಡೆಯಿತು. ಸಂಜೆ ನಡೆದ ಕಾರ್ಯಕ್ರಮದಲ್ಲಿ 2000 ಅಭಿಮಾನಿಗಳು ಪಾಲ್ಗೊಂಡಿದ್ದರುಗಲ್ಫ್ರಾಷ್ಟ್ರದಲ್ಲಿಯೇ ಅತ್ಯಂತ ವಿಜೃಂಭಣೆಯಿಂದ ನಡೆದ ಈ ಕಾರ್ಯಕ್ರಮಕ್ಕೆ ಗೌರವ ಅತಿಥಿüಯಾಗಿ ಕನ್ನಡ ಚಿತ್ರರಂಗದ ಖ್ಯಾತನಟ ಹ್ಯಾಟ್ರಿಕ್ ಹೀರೋ ಡಾ|ಶಿವರಾಜ್ ಕುಮಾರ್ ಹಾಗೂ ಮುಂಬಯಿ ಅಲ್ಲಿನ ಚಲನಚಿತ್ರನಟ, ನಿರ್ಮಾಪಕ, ನಿರ್ದೇಶಕ ಡಾ| ರಾಜಶೇಖರ್ ಆರ್.ಕೋಟ್ಯಾನ್, ಚಂದ್ರಶೇಖರ ಸುವರ್ಣ ಉಡುಪಿ, ತುಳುಕೂಟ ಪಿಂಪ್ರಿ ಚಿಂಚ್‍ವಾಡ್ ಅಧ್ಯಕ್ಷ ಶ್ಯಾಮ್ ಸುವರ್ಣ, ಕಾರ್ಯಕ್ರಮದ ನಿರೂಪಕರಾಗಿ ಜಾನಪದ ವಿದ್ವಾಂಸ ಶ್ರೀದಯಾನಂದ ಕತ್ತಲ್‍ಸಾರ್ ಪಾಲ್ಗೊಡಿದ್ದು ಸಮಾರಂಭದಲ್ಲಿ ಡಾ| ಶಿವರಾಜ್ ಕುಮಾರ್‍ಗೆ ತನ್ನ ಕಲಾಸೇವೆಯನ್ನು ಗುರುತಿಸಿ “ಬಿಲ್ಲವ ಕಲಾರತ್ನ” ಬಿರುದು ಪ್ರದಾನಿಸಿ ಪ್ರಶಸ್ತಿಯೊಂದಿಗೆ ಗೌರವಿಸಲಾಯಿತು.
ಕರ್ನಾಟಕ ಕರಾವಳಿಯ ಎಲ್ಲಾ ಸಂಘಸಂಸ್ಥೆಗಳಿಂದಲೂ ಒಂದೊಂದು ಗೂಪ್‍ಡ್ಯಾನ್ಸ್ ಆಯೋಜಿಸಲಾಗಿತ್ತು. ಮಸ್ಕಿರಿ ಕುಡ್ಲ ಹಾಸ್ಯ ನಾಟಕ ತಂಡ ಹಾಗೂ ಚಂದ್ರಶೇಖರ ಸುವರ್ಣ ಇವರ ನಿರ್ಮಾಣ, ನಿರ್ದೇಶನದ “ತುಳುನಾಡತುಡರ್” ಪ್ರಹಸನವು ಅತ್ಯಂತ ಯಶಸ್ವಿಯಾಗಿ ಜರಗಿತು ಸೌದಿಅರೇಬಿಯಾದಿಂದ ಆಗಮಿಸಿದ ಖ್ಯಾತ ಹಿನ್ನಲೆ ಗಾಯಕಿ ವೆನಿಸ್ಸಾ ಸಲ್ದಾನ ತನ್ನ ಸುಮಧುರ ಕಂಠದಿಂದ ತುಳು, ಕನ್ನಡ ಚಿತ್ರಗೀತೆಗಳನ್ನು ಹಾಡಿ ರಂಜಿಸಿದರು ಹಾಗೂ ಸ್ಥಳೀಯ ಕಲಾವಿದರ ನೃತ್ಯಪ್ರದರ್ಶನವು ನೋಡುಗರ ಮನಸೂರೆ ಗೊಂಡಿತು.ಕಾರ್ಯಕ್ರಮದ ಕೊನೆಗೆ ಬಾಹ್ರೇಯ್ನ್ ಬಿಲ್ಲವಾಸ್ ಅಧ್ಯಕ್ಷ ರಾಜಕುಮಾರ್ ಅತಿಥಿüಗಳಿಗೆ ಹಾಗೂ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಕಲಾವಿದರಿಗೆ ಸ್ಮರಣಿಕೆ ನೀಡಿ ಗೌರವಿಸಿ ವಂದಿಸಿದರು
