ಬಂಟ್ವಾಳ: ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಅವರ ಶಿಫಾರಸ್ಸಿನ ಮೇರೆಗೆ ಪ್ರಧಾನಮಂತ್ರಿ ಗ್ರಾಮ ಸಡಕ್ ಯೋಜನೆಯಡಿ ಬಂಟ್ವಾಳ ವಿಧಾನ ಸಭಾ ಕ್ಷೇತ್ರದ ವಿವಿದೆಡೆಯ ರಸ್ತೆಯ ಮರುಡಾಮಾರೀಕರಣ ಮತ್ತು ಅಭಿವೃದ್ದಿಗೆ 9.94 ಕೋ.ರೂ ಅನುದಾನ ಮಂಜೂರುಗೊಂಡಿದೆ ಎಂದು ಶಾಸಕರ ಕಚೇರಿ ಪ್ರಕಟಣೆ ತಿಳಿಸಿದೆ.
ಬಡಗಕಜೆಕಾರು ಗ್ರಾಮದ ನರ್ಸಿಕುಮೇರು-ಪಾಂಡವರಕಲ್ಲು ರಸ್ತೆ 1.35 ಕೋಟಿ,ಮಣಿನಾಲ್ಕೂರು ಗ್ರಾಮದ ಬಜ-ಅಜಿಲಮೊಗರು ರಸ್ತೆ 1.70 ಕೋಟಿ,
ಕರೋಪಾಡಿ ಗ್ರಾಮದ ಅರಸೊಳಿಕೆ ರಸ್ತೆ 60 ಲಕ್ಷ, ಅನಂತಾಡಿ ಗ್ರಾಮದ ಕೊಂಬಿಲ-ಅನಂತಾಡಿ ರಸ್ತೆ 1.50 ಕೋಟಿ, ಕರಿಯಂಗಳ ಗ್ರಾಮದ ಪುಂಚಮೆ-ಪಲ್ಲಿಪಾಡಿ ರಸ್ತೆ 86 ಲಕ್ಷ,ಬಾಳ್ತಿಲ ಗ್ರಾಮದ ಸಣ್ಣಕುಕ್ಕು-ದಾಸಕೋಡಿ ರಸ್ತೆ 1.50 ಕೋಟಿ,ಕಳ್ಳಿಗೆ ಗ್ರಾಮದ ಬ್ರಹ್ಮರಕೂಟ್ಲು-ಕಳ್ಳಿಗೆ ರಸ್ತೆ 80 ಲಕ್ಷ, ದೇವಸ್ಯಪಡೂರು ಗ್ರಾಮದ ಕುಂಟಾಲಪಲ್ಕೆ-ಅಲ್ಲಿಪಾದೆ ರಸ್ತೆ 98 ಲಕ್ಷ,ಮಣಿನಾಲ್ಕೂರು ಗ್ರಾಮದ ಅಜಿಲಮೊಗರು ಗಂಡಿ-ಕೊಟ್ಟುಂಜ ರಸ್ತೆ 65 ಲಕ್ಷ ರೂ.ನಂತೆ ಹಂಚಿಕೆ ಮಾಡಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.