ಅಕ್ರಮಕೋಣ ಸಾಗಾಟ- ಇಬ್ಬರ ಬಂಧನ

ಉಡುಪಿ: ಅಕ್ರಮವಾಗಿ ಕೋಣ ಸಾಗಾಟಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ ಘಟನೆ ಬಾರ್ಕೂರಿನ ಸ್ನೇಹ ಬಾರ್ ಬಳಿ ಗುರುವಾರ ಬೆಳಿಗ್ಗೆ ನಡೆದಿದೆ.
ಕಾಸರಗೋಡು ಜಿಲ್ಲೆಯ ನಿವಾಸಿಗಳಾದ ಜೈನುಲ್ಲಾ ಅಬೀದ್(27), ಅಬ್ದುಲ್ ಎ(41) ಬಂಧಿತ ಆರೋಪಿಗಳು.

ಗೂಡ್ಸ್ ವಾಹನದಲ್ಲಿ 16 ಕೋಣಗಳನ್ನು ತುಂಬಿ ಕೊಕ್ಕರ್ಣೆ ಮಾರ್ಗವಾಗಿ ಕೇರಳ ರಾಜ್ಯಕ್ಕೆ ಸಾಗಿಸುತ್ತಿರುವ ಖಚಿತ ಮಾಹಿತಿ ಬ್ರಹ್ಮಾವರ ಪೊಲೀಸರಿಗೆ ಸಿಕ್ಕಿದ ಹಿನ್ನಲೆಯಲ್ಲಿ ಈ ಕಾರ್ಯಾಚರಣೆ ನಡೆಸಿ ಕೋಣಗಳನ್ನು ವಶಪಡಿಸಿಕೊಂಡು ಆರೋಪಿಗಳನ್ನು ಬಂಧಿಸಲಾಗಿದೆ. ಬ್ರಹ್ಮಾವರ ಪೊಲಿಸರು ಪ್ರಕರಣ ದಾಖಲಿಸಿದ್ದಾರೆ.