ಕೈಕಂಬ: ತುಳುನಾಡಿನಲ್ಲಿ ಜನಜನಿತ ಆಚರಣೆ ಉಳಿಸಿ, ಬೆಳೆಸುವ ಪ್ರಯತ್ನ ಇದಾಗಿದೆ. ಮುಂದಿನ ಪೀಳಿಗೆ ತುಳುನಾಡ ಸಂಸ್ಕೃತಿ ತಿಳಿಯಬೇಕು. ತುಳುನಾಡಲ್ಲಿ ಹಾಸುಹೊಕ್ಕಾಗಿದ್ದ ಈ ಸಂಸ್ಕೃ ತಿ ಒಂದು ದಿನಕ್ಕೆ ಸೀಮಿತವಾಗದೆ, ಕೃಷಿ ಪ್ರಧಾನ ಭಾರತದಲ್ಲಿ ವರ್ಷದ 365 ದಿನವೂ ಇದು ಚಾಲ್ತಿಯಲ್ಲಿರಬೇಕು ಎಂದರು.ತುಳುನಾಡಿನಲ್ಲಿ ಜನಜನಿತ ಆಚರಣೆ ಉಳಿಸಿ, ಬೆಳೆಸುವ ಪ್ರಯತ್ನ ಇದಾಗಿದೆ. ಮುಂದಿನ ಪೀಳಿಗೆ ತುಳುನಾಡ ಸಂಸ್ಕೃತಿ ತಿಳಿಯಬೇಕು. ತುಳುನಾಡಲ್ಲಿ ಹಾಸುಹೊಕ್ಕಾಗಿದ್ದ ಈ ಸಂಸ್ಕೃತಿ ಒಂದು ದಿನಕ್ಕೆ ಸೀಮಿತವಾಗದೆ, ಕೃಷಿ ಪ್ರಧಾನ ಭಾರತದಲ್ಲಿ ವರ್ಷದ 365 ದಿನವೂ ಇದು ಚಾಲ್ತಿಯಲ್ಲಿರಬೇಕು ಎಂದು ಗುರುಪುರದ ಪ್ರಗತಿಪರ ರೈತ ಸತೀಶ್ ಕಾವ ಹೇಳಿದರು.
ಅವರು ಭಾನುವಾರ ಸಾಮಾಜಿಕ ಸಂಘಟನೆಯಾದ ಗುರುಪುರ ಸೇವಾ ಬ್ರಿಗೇಡ್(ರಿ) ಆಶ್ರಯದಲ್ಲಿ ಗುರುಪುರ ಕುಕ್ಕುದಕಟ್ಟೆ ಶ್ರೀ ವೈದ್ಯನಾಥ ಸಮುದಾಯ ಭವನ ಹಾಗೂ ಪಕ್ಕದ ಗದ್ದೆಯಲ್ಲಿ ಮೂರನೇ ವರ್ಷದ `ಆಟಿಡೊಂಜಿ ಕೂಟ’ ವನ್ನು ಉದ್ಘಾಟಿಸಿ ಮಾತನಾಡಿದರು. ಸಮಾರಂಭದಲ್ಲಿ ನೂರಾರು ಯುವಜನರ ಕೂಡುವಿಕೆಯಲ್ಲಿ ಸಂಭ್ರಮೋಲ್ಲಾಸದಿಂದ ಜರುಗಿತು.
ವೇದಿಕೆಯಲ್ಲಿ ಗುರುಪುರ ವೈದ್ಯನಾಥ ದೈವಸ್ಥಾನದ ಮುಂಡಿತ್ತಾಯ ದೈವ ಪಾತ್ರಿ ಅಡ್ವಕೇಟ್ ಚಂದ್ರಹಾಸ ಪೂಜಾರಿ ಕೌಡೂರು, ಶೀನ ಕೋಟ್ಯಾನ್ ಬೆಳ್ಳಿಬೆಟ್ಟು, ರಾಜೀವ ಕುಲಾಲ್, ಕಂಬಳ ಖ್ಯಾತಿಯ ಗುರುವಪ್ಪ ಪೂಜಾರಿ ಕೆದುಬರಿ, ಗಂಗಾಧರ ಸಫಲಿಗ, ಹರೀಶ್ ಶೆಟ್ಟಿ ಕಲ್ಲಕಲಂಬಿ, ಉಮೇಶ್ ಶೆಟ್ಟಿ ಬೆಳ್ಳೂರುಗುತ್ತು, ಜಯಪ್ರಕಾಶ ಭಂಡಾರಿ, ಪ್ರೇಮಾ ಶೆಟ್ಟಿ ಬೆಳ್ಳೂರುಗುತ್ತು, ದೊಂಬಯ್ಯ ಪೂಜಾರಿ, ಬ್ರಿಗೇಡಿನ ಪುರಂದರ ಮಲ್ಲಿ, ರಮಾನಂದ ಶೆಟ್ಟಿ, ಶ್ಯಾಮರಾಯ ಆಚಾರ್ಯ, ಕೃಷ್ಣ ಸಾಲ್ಯಾನ್, ಯಶವಂತ ಕೋಟ್ಯಾನ್ ಮೊದಲಾದವರಿದ್ದರು.
ಈ ಸಂರ್ಭದಲ್ಲಿ ಮಹಿಳೆಯರು, ಪುರುಷರು ಹಾಗೂ ಮಕ್ಕಳಿಗಾಗಿ ಕೆಸರಿನ ಗದ್ದೆಯಲ್ಲಿ ಓಟ, ಹಗ್ಗ-ಜಗ್ಗಾಟ, ಕುಡಿಕೆ ಒಡೆಯುವಿಕೆ, ಕೊಡದಲ್ಲಿ ನೀರು ಓಟ, ಒಂಟಿ ಕಾಲಿನ ಓಟ ಆಯೋಜಿಸಲಾಗಿದ್ದರೆ, ಒಳಾಂಗಣದಲ್ಲಿ ಚೆನ್ನೆಮಣೆ ಹಾಗೂ ಇತರ ಆಟಗಳ ಸ್ಪರ್ಧೆ ನಡೆಯಿತು.
*ತುಳುನಾಡ ಊಟೋಪಚಾರ:
ನೆರೆದ ಪ್ರೇಕ್ಷಕರಿಗೆ ಹಲಸಿನ ಗಾರಿಗೆ, ಹಲಸಿನ ಹೋಳು ಹಾಗೂ ಇತರ ಖಾದ್ಯ ಹಂಚಲಾದರೆ, ಮಧ್ಯಾಹ್ನ ತುಳುನಾಡ ಪ್ರಕೃತಿದತ್ತ ಸೊಪ್ಪು ತರಕಾರಿ ಪಲ್ಯ, ಚಟ್ನಿ, ಕೋಳಿಪಲ್ಯ ಹಾಗೂ ಪಾಯಸದೊಂದಿಗೆ ಊಟೋಪಚಾರ ನಡೆಯಿತು. ಕೂಟಕ್ಕೆ ಚಿತ್ರನಟ ಅರ್ಜುನ್ ಕಾಪಿಕಾಡು ಹಾಗೂ `ಜಬರ್ದಸ್ತ್ ಶಂಕರ್’ ಚಿತ್ರದ ಕಲಾತಂಡ ಆಗಮಿಸಿತು. ಮಧುರಾಜ್ ಗುರುಪುರ ಕಾರ್ಯಕ್ರಮ ನಿರೂಪಿಸಿದರು.