ಬಂಟ್ವಾಳ: ರಾಷ್ಟ್ರ ಕಟ್ಟುವ ಕಲ್ಪನೆಯ ಜೊತೆಗೆ ಸ್ವಸ್ಥ ಸಮಾಜ ನಿರ್ಮಾಣದ ದಿಟ್ಟ ಹೆಜ್ಜೆಯನ್ನು ಇಟ್ಟಿರುವ ನವೋದಯ ಯುವಕ ಸಂಘ ಯುವ ಸಮುದಾಯಕ್ಕೆ ಸ್ಪೂರ್ತಿಯಾಗಿದೆ ಎಂದು ಮಾಜಿ ಸಚಿವ ವಿಧಾನ ಪರಿಷತ್ ಸದಸ್ಯ ಕೋಟ ಶ್ರೀನಿವಾಸ ಪೂಜಾರಿ ಹೇಳಿದರು . ಅವರು ನವೋದಯ ಯುವಕ ಸಂಘ(ರಿ). ಮೈರನ್ಪಾದೆ ಕಾಮಾಜೆ ಇದರ 26ನೇ ವಾರ್ಷಿಕೊತ್ಸವದ ಅಂಗವಾಗಿ ನಡೆದ ಸಭಾ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ನವೋದಯ ಯುವಕ ಸಂಘ ಈ ದೇಶದ ಸಂಸ್ಕಾರ, ಸಂಸ್ಖೃತಿ ಮತ್ತು ಸಂಘಟನೆಗೊಸ್ಕರ ತಮ್ಮ ಸೇವೆಯನ್ನು ಮಾಡಿದೆ, ಅ ಮೂಲಕ ಸಮಾಜದ ಎಲ್ಲಾ ವರ್ಗಗಳ ಪ್ರೀತಿ ಪಾತ್ರವನ್ನು ಪಡೆದು 26 ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಿದೆ ಎಂದರು. ಮುಖ್ಯ ಅತಿಥಿಗಳಾಗಿ ಮಾಜಿ ಶಾಸಕ ಪದ್ಮನಾಭ ಕೊಟ್ಟಾರಿ , ಬಿ.ಜೆ.ಪಿ.ಮುಖಂಡ ರಾಜೇಶ್ ನಾಯಕ್ ಉಳಿಪಾಡಿಗುತ್ತು ಲಯನ್ಸ್ ಜಿಲ್ಲೆ ಪ್ರಾಂತೀಯ ಅಧ್ಯಕ್ಷ ಲಯನ್ ದಾಮೋದರ ಬಿ.ಎಂ. ಪುರಸಭಾ ಸದಸ್ಯರಾದ ಬಾಸ್ಕರ್ ಟೈಲರ್ ಕಾಮಾಜೆ , ದೇವದಾಸ ಶೆಟ್ಟಿ ಮತ್ತು ನವೋದಯ ಯುವಕ ಸಂಘದ ಅಧ್ಯಕ್ಷ ಜಗದೀಶ ಕಾಮಾಜೆ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಕಲಿಕೆಯಲ್ಲಿ ಸಾಧನೆ ಮಾಡಿದ ಕು. ನಮಿತ ಆರ್ ಕಾಮಾಜೆ ಅವರನ್ನು ವೇದಿಕೆಯಲ್ಲಿ ಸನ್ಮಾನಿಸಲಾಯಿತು. ಧನರಾಜ್ ಕಾಮಾಜೆ ಸ್ವಾಗತಿಸಿ ಬಾಲಕೃಷ್ಣ ವಂದಿಸಿದರು. ಸುದೀರ್ ಕಾಮಾಜೆ ಪ್ರಸ್ತಾವಿಸಿದರು.